MyanmarING

တတိယအကြိမ်မြောက် စာတမ်းဖတ်ပွဲအတွက် ဖိတ်ခေါ်ခြင်း

Myanmar Internet Networking Group (MyanmarING) သည် ၂၀၀၈ ခုနှစ်မှ စတင်၍ နှစ်စဉ် အိုင်တီ နည်းပညာဆိုင်ရာ စာတမ်းဖတ်ပွဲများကို ပုံမှန် ကျင်းပလာခဲ့ရာ ယခုအခါ တတိယအကြိမ်မြောက် စာတမ်းဖတ်ပွဲကို ၂၀၁၀ ခုနှစ် အောက်တိုဘာလအတွင်းတွင် ကျင်းပသွားရန် စီစဉ်လျက် ရှိပါသည်။ ပထမအကြိမ် စာတမ်းဖတ်ပွဲတွင် မြန်မာလူငယ် ၁၁ ဦး၊ ဒုတိယအကြိမ်တွင် ၁၅ ဦး တက်ရောက်စာတမ်းဖတ်ခဲ့ကြပါသည်။ ထို့ကြောင့် ယခုအကြိမ်တွင်လည်း မြန်မာလူငယ် ပညာရှင်များ ပါဝင်စာတမ်းဖတ်နိုင်ကြပါရန် ဖိတ်ခေါ်ပါသည်။

စိတ်ပါဝင်စားပြီး အောက်ပါအရည်အချင်းများနှင့် ပြည့်စုံသူ မည်သူမဆို စာတမ်းများ ရေးသားပေးပို့နိုင်ပါသည်။

၁။ စာတမ်းတင်သွင်းသူသည် အသက် ၃၅ နှစ်မပြည့်သေးသည့် မြန်မာနိုင်ငံသား ဖြစ်ရမည်။

၂။ တက္ကသိုလ်၊ ကောလိပ် သို့မဟုတ် သင်တန်းကျောင်း တစ်ခုခုမှ ကွန်ပျူတာပညာရပ်ဆိုင်ရာ ဘွဲ့ သို့မဟုတ် ဒီပလိုမာ တစ်ခုခု ရရှိ/တက်ရောက်ဆဲဖြစ်ရမည်။ သို့မဟုတ် ကွန်ပျူတာနယ်ပယ်တွင် လက်တွေ့ လုပ်ကိုင် ဆောင်ရွက်နေသူ ဖြစ်ရမည်။

စာတမ်းတင်သွင်းသူများအနေဖြင့် စာတမ်းတစ်စောင်အား တစ်ဦးချင်းဖြစ်စေ၊ အဖွဲ့လိုက်ဖြစ်စေ အင်္ဂလိပ်ဘာသာဖြင့် ရေးသားရမည်ဖြစ်ပြီး စာတမ်းဖတ်သည့်အခါတွင်မူ အဖွဲ့လိုက်ဖြစ်ပါက အဖွဲ့ကိုယ်စားပြု တစ်ဦးတည်းကသာ မြန်မာဘာသာဖြင့် ပြောဆိုဖတ်ကြားနိုင်မည် ဖြစ်သည်။ စာတမ်းများကို ကိုယ်တိုင်ရေးသားကြောင်း ဝန်ခံချက်နှင့် ပြည့်စုံစွာ ဖြည့်စွက်ထားသော fellowship form တို့ ပူးတွဲ၍ ဇူလိုင်လ ၅ ရက်နေ့မှ စတင်ကာ စက်တင်ဘာလ (၁၅) ရက်နေ့ နောက်ဆုံးထား၍ email ဖြင့် ပေးပို့ရမည် ဖြစ်သည်။ စာတမ်းတင်သွင်းရန်အတွက် (၂) မျက်နှာခန့် ရေးသားထားသော စာတမ်းနှင့်အတူ Presentation လုပ်ရန် လိုအပ်သည်များကို ပြင်ဆင်ရမည်။ ယခုနှစ် စာတမ်းဖတ်ပွဲအတွက် Main Theme မှာ "ICT for Education (ICT4E)" ဖြစ်ပါသည်။ စာတမ်းများသည် အောက်ပါရှုထောင့်များအနက်မှ တစ်ခုခုနှင့် ဆက်နွယ်၍ ရေးသား နိုင်ပါသည်။

·       Internet Technologies

·       E-Culture

·       Myanmar IT History

·       Disaster Management and e-Health

စာတမ်းအတွက် research idea ရှိသော်လည်း စာတမ်းပြုစုရေးသားရန် အတွေ့အကြုံ၊ ဗဟုသုတ နည်းပါး သည့်အတွက် အခက်တွေ့နေသော လူငယ်များအတွက် အခြေခံ research methodology သင်တန်း ပြုလုပ်ပေးသွားရန် ရှိပါသဖြင့် idea ရှိသူများအနေဖြင့် မိမိ၏ research title ကိုတင်ပြ၍ fellowship form တွင် ဖြည့်သွင်းကာ သင်တန်းတက်လိုကြောင်း ဇူလိုင်လ ၂၃ ရက်နေ့ နောက်ဆုံးထား၍ အဆိုပြုနိုင်ပါသည်။

Fellowship Form နှင့် နမူနာစာတမ်းများအား website အောက်ခြေတွင် ဝင်ရောက်ကြည့်ရှု ရယူနိုင်ပါသည်။

Myanmar Internet & Networking Group

Phone: 09-5080836, 09-5153925, 09-2024507

Email: This e-mail address is being protected from spambots. You need JavaScript enabled to view it

Web: www.myanmaring.asia

MyanmarING ဆိုသည်မှာ Myanmar Internet and Networking Group ဖြစ်ပါသည်။ MyanmarING သည် Asia Pacific Networking Group (APNG) အဖွဲ့ကြီး၏ မြန်မာနိုင်ငံကိုယ်စားပြုအဖွဲ့တစ်ခု ဖြစ်ပါသည်။ မြန်မာနိုင်ငံအတွင်းတွင်မူ MyanmarING သည် အိုင်တီပညာရပ်နှင့်ပတ်သက်၍ ၀ါသနာကြီးသော လူငယ်များဖြင့် ပေါင်းစပ်ဖွဲ့စည်းထားသော အဖွဲ့အစည်းတစ်ရပ် ဖြစ်ပါသည်။ APNG မှအခြေပြုခဲ့ပြီး ပြည်တွင်းတွင် Myanmar Egress နှင့်လက်တွဲ ၍ IT ပညာတိုးတက်ပြန့်ပွားရေးလုပ်ငန်းများကို ဆောင်ရွက်နေကြသည်။

ခံယူထားသည့် တာဝန်

MyanmarING မှ ခံယူထားသည့် တာဝန် (Mission) မှာ မြန်မာနိုင်ငံအတွင်း အင်တာနက်နည်းပညာအား အားပေး အထောက်အကူပြုရန်နှင့် တည်ရှိနေသော နည်းပညာဆိုင်ရာ ကွန်ယက်၊ အဖွဲ့အစည်းများအား အချင်းချင်း အပြန်အလှန် ချိတ်ဆက်၍ ပူးပေါင်းဆောင်ရွက်မှုများ ဖြစ်ပေါ်လာစေရန် ကြိုးပမ်းဆောင်ရွက်သွားရေးပင် ဖြစ်ပါသည်။

ရည်ရွယ်ချက်

MyanmarING ၏ ရည်ရွယ်ချက်မှာ မြန်မာနိုင်ငံ၏ မျိုးဆက်သစ်လူငယ်များအား နိုင်ငံတကာ အင်တာနက် အသိုက်အ၀န်းများနှင့် ရင်းနှီးကျွမ်းဝင်မှုရှိစေရေး လမ်းဖွင့်ပေးရန်နှင့် သုတေသီများ၊ စနစ်ကိုင်တွယ် ထိန်းသိမ်းသူများ၊ လုပ်ငန်းခွင်တွင် လုပ်ကိုင်ဆောင်ရွက်နေသူများနှင့် ကျောင်းသားများအကြား အတွေ့အကြုံနှင့် ဗဟုသုတများ ဖလှယ်ရာ နေရာတစ်ခု ဖန်တီးပေးရန်တို့ ဖြစ်ပါသည်။

လုပ်ငန်းအဖွဲ့များ (Working Groups)

MyanmarING အား လတ်တလောအချိန်တွင် လုပ်ငန်းအဖွဲ့ (Working Groups - WGs) သုံးဖွဲ့ဖြင့် ဖွဲ့စည်းထားပါသည်။ ယင်းတို့မှာ -
• အင်တာနက်နည်းပညာဆိုင်ရာ လုပ်ငန်းအဖွဲ့ (Internet Technology)

• အီလက်ထရောနစ် လူမှုပတ်ဝန်းကျင်နှင့် စိမ်းလန်းသော ICT (e-Culture & Green ICT)

• ICT ဆိုင်ရာ သဘာဝပတ်ဝန်းကျင်ထိန်းသိမ်းရေးနှင့် အီလက်ထရောနစ် ကျန်းမာရေးစနစ် (Disaster Management and e-Health)

• Dumbo နှင့် Live E! software များဆိုင်ရာ လုပ်ငန်းအဖွဲ့ တို့ ဖြစ်ကြသည်။

MyanmarING ၏ Working Groups များသည် APNG Working Groups များကဲ့သို့ဖွဲ့စည်းထားခြင်းဖြစ်သည်။ APNG ၏ Working Groups များအကြောင်းအသေးစိတ်သိလိုပါက http://www.apngcamp.asia/ ရှိ Call for Paper (cfp) အောက်တွင်ကြည့်နိုင်ပါသည်။

ပြည်တွင်းစာတမ်းဖတ်ပွဲ

MyanmarING ၏လှုပ်ရှားမှုတစ်ရပ်အနေဖြင့် ၂၀၀၈ ခုနှစ် တွင် ပထမဆုံးအကြိမ်အဖြစ် ပြည်တွင်းစာတမ်းဖတ်ပွဲတစ်ရပ်ကို စတင်ကျင်းပခဲ့ပါသည်။ ထိုစာတမ်းဖတ်ပွဲတွင် အသက် ၃၅ နှစ်အောက် အရည်အချင်းပြည့်မီသော မြန်မာလူငယ် ၁၁ ဦး တက်ရောက် စာတမ်းဖတ်ခဲ့ကြပြီး ထိုအခမ်းအနားသို့ အိုင်တီနယ်ပယ်အတွင်းမှ အထင်ကရ ပုဂ္ဂိုလ်များနှင့် ထူးချွန်ကျောင်းသားများ တက်ရောက်လေ့လာခဲ့ကြသည်။ အဆိုပါစာတမ်းဖတ်ပွဲများမှတဆင့် APNG ၏ နိုင်ငံတကာ စာတမ်းဖတ်ပွဲသို့ မြန်မာနိုင်ငံနှင့် MyanmarING ကိုယ်စား စေလွှတ် တက်ရောက်စေမည် ဖြစ်ပါသည်။

MyanmarING ၏လှုပ်ရှားမှုတစ်ရပ်ဖြစ်သောစာတမ်းဖတ်ပွဲများကိုနှစ်စဉ်နှစ်တိုင်း အနည်းဆုံးတစ်ကြိမ်ပြုလုပ်ကျင်းပသွားမည်ဖြစ်သည်။

အနာဂါတ် လုပ်ငန်းစဉ်များ

MyanmarING အနေဖြင့် APNG ၏ အခြားသော နိုင်ငံကိုယ်စားပြုအဖွဲ့များနှင့် ပူးပေါင်း ဆောင်ရွက်သွားမည်ဖြစ်ပြီး MyanmarING အဖွဲ့ဝင်များအား project များတွင် အမြဲတွေ့ဆုံ ဆောင်ရွက်သွားစေခြင်းဖြင့် အတွေ့အကြုံများ၊ ယုံကြည်ချက်များ ရရှိစေကာ ၎င်းတို့၏ အသိပညာများအား နိုင်ငံအတွက် အသုံးချနိုင်စေမည် ဖြစ်ပါသည်။ ထို့ပြင် တစ်ဦးချင်းဖြစ်စေ၊ အဖွဲ့လိုက်ဖြစ်စေ သုတေသနများ ပြုလုပ်ကာ International အဖွဲ့အစည်းများသို့ project proposal များ တင်သွင်းကာ သုတေသနဆိုင်ရာ အထောက်အပံ့များ ရရှိနိုင်ရန် ဆောင်ရွက်သွားမည် ဖြစ်ပါသည်။